السبت، 9 فبراير، 2013

رئيسة الديوان




  

ضحكت عالولد لما بكى وسأل زين العابدين(1):" اشكي لمين"؟
ولعت شمعتها بعد ضحتكها عليه بسنين
ونسيت وصفها للولد بالغلبان
ما افتكرتش غير انها تبكي وتقولها:" اشكي لمين يا رئيسة الديوان(2)"! 
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
(1) الامام زين العابدين بن الحسين بن على بن أبي طالب
(2) السيدة زينب بنت على بن أبي طالب

هناك 10 تعليقات:

  1. والدهر من بلواها متألم...والحزن لن ينساها
    إلى الله المشتكى وحده لاشريك له(هالة)

    ردحذف
  2. من غير التعريفات اللي تحت معروفين
    مين ميعرفش رئيسة الديوان؟
    كانت جبلا صامدا ترى أخوها و عشيرتها يذبحون في كربلاء فتحمل زين العابدين و ترحل به بعيدا
    رحمها الله ستظل رئيسة الديوان الرشيدة

    ردحذف
  3. لا شريك له يا لولو لا شريك له

    ردحذف
  4. ما انا كنت فاكرة زيك كدة يا مصطفى لحد ما حد قالى انه ما يعرفش انا بتكلم عن ايه :)

    ردحذف
  5. باأحسدك على قوتك اللغوية وتعبيراتك المتمكنة جدا وكنت أتمنى إنى أمتلك ولو جزء منها ، كنت مابطلتش كتابة على فكرة.... طبعا بأعترف وأنا فى كامل قواي العقلية أنى ماكنتش واعى المعنى بدون التوضيح يجوز كمان ليا رؤية مختلفة فى النظر لآل البيت ونظرة العامة ليهم لأنى بأشوف إن فيها شبهة شرك والعياذ بالله وأنا بصراحة ماأحبش أدخل المنطقة الصعبة دى وخصوصا ليا تجربة مع واحد اعرفه من مجاذيب السيدة من أكتر من 30 سنة..... كمان عندى استفسار : إيه حكاية إضاءة الشموع وهل دى فى الإسلام وأللا المسيحية وأللا فرعونية وأللا ايه بالضبط ؟طبعا فى الكنائس دى حاجة أساسية وبأشوفها لكن هل هى فى الإسلام كمان؟؟؟ تحياتى لقلمك وإبداعك فى النهاية

    ردحذف
  6. اولاً اشكرك يا دكتور على كلامك الجميل وان كنت لا ارى فى لغتي أى قوة بل واعتبرها أحد عيوبي في الكتابة، لكن الحقيقة مش مستسلمة وبحاول اتعلم :)
    لكن لو اتكلمنا عن اللغة الراقية والجميلة فعلاً لازم نزور مدونة هدير عرفة http://moka3abat.blogspot.com/

    حضرتك سألتني فى اكتر من حاجة، ويمكن اقدر الخص لحضرتك الموضوع فى الآتي: أبويا كان بيتبع أحد الطرق الصوقية، ومع ذلك لم يكن درويشاً، لانه كان يدرك كم الأخطاء والتجاوزات الدينية والبدع لكثير من الصوفية، لذلك كنت آراه يأخذ الفكر الصوفي ويترك بدعهم، وانا شخصياً بميل لفكرهم، لكن اكيد مش هادروش.

    موضوع الشموع ده موجود فى المساجد اللى فيها اضرحة خاصة اذا كانوا من آل البيت.
    تحياتي د. صبري

    ردحذف
  7. الى اللـــــــــــــه المشتكى

    كلماتك جميلة ومعبرة رغم قصرها

    تحيـــــــــاتي

    كـــانت هنا ورحلت
    Asmaa Fathy

    ردحذف
  8. وحشتيني
    فجيت أسلم واطمن عليكٍِ
    واعرف قفلتي اكونتك على الفيس ليه
    يارب تكوني يخير

    ردحذف
  9. ربنا يخليكي يا موناليزا يارب، انا بخير يا قمر، ربنا ما يحرمنى من سؤالك

    ردحذف